Muino baten gainean dago, toki estrategikoan. Dirudienez, hau izango zen Azkoitiko lehen herrigunearen sorburua, XIII, mendean edo.
Hala ere, azkenik, Erdi Aroko hiria gaur egun Azkoitia dagoen toki berean osatu zen, ibar barrnean, eta Miranda de Irarurgi deitu zitzaion.
Gaur egun ermitak ez du arkitekturazko balio handirik; tokiak du garrantzia historiaren eta arkeologiaren aldetik.
1993-1994 urteetan Arkeolanek egindako lehen prospekzioetan, errauskutxa batzuk aurkitu zirenean, erromatarrengan pentsatu bazen ere, geroztik c14rekin egindako dataketek erakutsi dute Antzinate berantiarrekoak, VIII. mende ingurukoak direla, oraindaino Gipuzkoako historian oso gutxi ezagutzen den garai batekoak, beraz.
SUBENTZIONATUTAKO OBRAK
Indusketa arkeologikoa, tokiko museo arkeologiko bihurtzeko eta ermita zaharberritzea.
SUBENTZIOAREN ZENBATEKOA
1992ko Plana: 750.000 pta.
1993ko Plana: 1.500.000 pta.
1995eko Plana: 1.000.000 pta.
1998ko Plana: 3.000.000 pta.