gipuzkoakultura.net
ANDRE MARIAREN ZERURATZEA
Nabe bakarra eta zortzialdeko absidea dituen eliza. Oinplano kuadrangularreko dorrea elizaren oinaldean. "L" itxura eta zurezko egitura duen zimitorioa. Manposteriazkok hormak kanpoaldean horma sendagarriak dituztela.
Erdi Aroko eliza baten hondarren gainean hasi ziren, 1536. urte inguruan, eliza hau eraikitzeko lanak; XVII. mendearen erdialdera arte iraun zuten, gutxi gora-behera, aipatutako lan horiek.
1663. urtean zimitorioa egin zen eta 1696. urterako dorrea bukaturik zegoen.
XVIII. mendearen hasierako urteetan gangak eta koroa eraiki zituzten. Ganga horien zati bat lurrera erori zen 1727. urtean.
Eliza horren historiari buruzko lan monografiko bat bada argitaratuta.
SUBENTZIONATUTAKO OBRAK
Eliza eta zimitorioko estaldurak konpontzea edo berritzea eta erretaulak zaharberritzea.
SUBENTZIOAREN ZENBATEKOA
1987ko Plana: 17.100.000 pta.
1988ko Plana: 1.600.000 pta.
