Hernaniko alde zaharrean Erdi Aroko jatorrizko partzelazioari egokituz eraikitako etxe askoren artean, Kale Nagusiko 18 zk.-ko orubean dagoena ez da aipagarrienetako bat, barrualdean oso aldatua izan baita, eta, gainera, aurreko horman beheko solairuko harlanduzko horma eta atariko erdi puntuko arkuan dobelatutako portada bakarrik dira aipatzekoak.
Baina arretaz begiratuz gero, sarrerako baoa ixten duen egurrezko atetzarren kutsu klasizista duen apaindura geometrikoko ateburu tailatu bat ageri dela ikusiko dugu, XVIII. mendeko barrokoaren ezaugarri nabarmena, alegia.
SUBENTZIONATUTAKO OBRAK
Egurrezko atetza zaharberritzea.
SUBENTZIOAREN ZENBATEKOA
1995eko Plana: 200.000 pta.