Eliza nabe bakarrekoa da, zortzi aldeko absidea du eta kanpoko aldean kontra-hormak ditu. XVI. mendean eraikitzen hasitakoa da. XVII. mendean atariko arkupea eta dorrea erantsi zizkioten. Eranskin horiek itxura barrokoa ematen dioe, jatorrizko fatxada estaltzen dutenez.
Beraz, bere neurri apalak kontuan hartuta, interes arkitektoniko handiko multzoa da, eta beren bitxitasuna dela eta, gurutze gangak aipagarriak dira, nerbioduretan nahiz nerbioduren arteko ztietan egurra soil-soilik erabiliz XVII. mendearen lehenengo erdialdean eraikitakoak. Ekonomia alde batera utzita, gangen indarrari eusteko ez zimentazioak, ez hormek, ez eta lurraren ezaugarriek ere nahiko bermea eskaini ez izana izan liteke harriz ez eraikitzeko arrazoietako bat.
Egiturazko ezegonkortasuna eta zartadurak sakristia ixteko kanpoko horman gehiago nabarmendu ziren, malda handiko eta, ustez, betelanak egindako inguru batean kokatuata egoteagatik.
SUBENTZIONATUTAKO OBRAK
Txosten geoteknikoa egitea, kaltetutako hormak eraistea, sakristiaren aldean nabea mugatzen duen hormaren zimentazioa sendotzea edo altzairatzea, estalkiak berritzea, egurrezko egitura mantenduz, narriatutako piezen ordez antzekoak jartzea, egurrezko gangak sendotzea eta konpontzea, dituzten ezaugarriak bere horretan mantenduz, sakristia berria birgaitzea, elizaren barrualdea egokitzea eta erretaulua zaharberritzea.
SUBENTZIOAREN ZENBATEKOA
1994ko Plana: 1.000.000 pta.
1998ko Plana: 4.000.000 pta.
1999ko Plana: 10.000.000 pta.
2006ko Plana: 32.000 €