gipuzkoakultura.net
BEORTE BORDA
Eraikin honek oinplano errektangularra du, 14,50 x 13,50 metrokoa, oin bakarrekoa da eta teilatua bi isurkikoa du.
Hormak harlangaitzezkoak ditu, eta fatxada nagusiko ertzak eta leiho inguruneak harlanduzkoak. Barruan horma bat du, luzetara egina eta bi espazio berdin bereizten dituena. Alde banatara sartzeko bi ate daude, puntu erdiko arkua osatzen duten dobelaz eginak. Egiturakok habeak eta zurrunak haritzezkoak dira eta luzetara dauden hiru hormek eusten dite.
Dituen neurriengatik eta eraikuntza ezaugarriengatik baserri arrunta dela pentsa genezakeen, baina ez da hala. Eraikinaren tipologia berezia da: fatxada nagusiko leihoen itxura, gainerako fatxadetan batere leihorik ez edukitzea, barruko bi aldeetara sartzeko ate bana izatea... horiek denak eraikina bizitzeko inoiz erabili ez den seinale dira. Horixe du gauzarik bereziena hain zuzen ere, diseinu eta eraiketa bikaineko eraikin hau, XVI. mendearen bigarren zatian egina, betidanik borda gisa ganadutarako erabili dela, jatorrizko xedeari segituta. Izena bera ere horren adierazgarri izan daiteke.
SUBENTZIONATUTAKO OBRAK
Teilatua konpontzea.
SUBENTZIOAREN ZENBATEKOA
1991eko Plana: 900.000 pta.
