gipuzkoakultura.net
ARRILLAGA HAUNDI
Jauregi itxurako landetxe bat da, XVII. mendearen lehen erdian eraikia. Oin karratua du, lau isurialdeko estalkia eta bi solairu. Fatxada horma zarpiatua eta pintatua dago eta, hori dela eta, zurezko bilbadura ezkutuan dauka. Bao txikiak ditu, modu erregularrean banatuta. Hegoaldeko fatxadan behe solairu osoa arkupea da, pilarez eutsia eta bao zuzenez osatua. Zurezko egitura ederra dauka, argi handiak dituena, habe, zutabe eta beso kurbatuz osatua. Horma-pikoan zurezko pieza tailatu batzuk ditu, eta ganbarako baoetan zurezko barra torneatuzko sareak.
Eraikin hau kultur ondasun kalifikatu izendatuta dago, Eusko Jaurlaritzaren 2002ko ekainaren 4ko 129/2002 Dekretuaren bidez.
SUBENTZIONATUTAKO OBRAK
Estalkia birgaitzea eta zurezko egitura sendotzea.
SUBENTZIOAREN ZENBATEKOA
2004ko Plana: 18.000 €
