gipuzkoakultura.net
UBERETA BARRENA
Oinplano errektangularra eta teila-kanaleko bi isurialdeko teilatua dituen eraikina. Bi solairu eta ganbara. Horma guztiak harlangaitzezkoak dira eta izkinetan eta baoetan harlanduak ditu. Fatxada nagusiaren teilatu-hegalak ondo apainduta daude eta ederki berritutako eraikina da. Ate nagusiak harlanduzko arkua du, pixka bat errebajatua. Usategi bereziak daude, "chavera" borobilaren itxurarekin.
Harrizko zutabeak ditu behe solairuan (bi hormigoizkoak dira) eta pieza bakarreko zutabeak gainerakoan. Zutabea eta habea zapatarekin lotzeko bilguneak eta bi beso. Gailurrak zutabeekin elkartzen diren tokian txarrantxa batek zeharkatzen ditu zutabeak. Bilgune horietan larakoak ditu eta tope egiten duen pieza bat gapirioetan, ez irristatzeko jarritakoa. XVIII. mendeko ohiko egitura dauka.
SUBENTZIONATUTAKO OBRAK
Estalkia birgaitzea eta zurezko egitura sendotzea.
SUBENTZIOAREN ZENBATEKOA
2007ko Plana: 8.500 €
