Dorretxe hau erdi arokoa da. Leintz bailarako leinu garrantzitsuenetako baten oinetxea da. Galartzatarrena, eta hortik datorkio izena.
1990eko abuztuaren 2ko egunsentian etxeak su hartu zuen eta teilatua, egurrezko solairu eta eskailera guztiak eta harlangaitzezko hormen tarte batzuk erre ziren. Etxea aurri geratu zen: bakar-bakarrik harrizko murruak zuden zutik, eta nahiko ahulduta gainera, hutsarte gotikoak oraindik kontserbatzen bazituzten ere.
Aretxabaletako Udalak jabeekin zenbait elkarrizketa izan ondoren, dorretxetako zati bat kultur ihardueretarako lagatzea erabaki zuen familiak, beste zatia etxebizitzarako utzita, eta Udalak berak hartu zituen bere gain dorretxea berritzeko lana.
Eraikin hau Euskal Kultura Ondarearen Inbentario Orokorrean sartuta dago. 1994ko abenduaren 16ko Eusko Jaurlaritzaren Ebazpena.
SUBENTZIONATUTAKO OBRAK
Restaurazio orokorra.
SUBENTZIOAREN ZENBATEKOA
1993ko Plana: 9.000.000 pta.
1994ko Plana: 6.000.000 pta.