gipuzkoakultura.net
SAN MARTIN
Gurutze latindarreko oinplanoa eta kanpoaldean kontrahormadun abside poligonaleko eliza. Gurutzadura gangak pilare gotiko batzuek eutsiak. Arkupe handia, zurezko egitura batez itxita; hortik elizara sartzen da arkiboltak dituen arku zorrotzeko atetik.
Nahiz eta bere jatorria XIII. mendeko ere izan litekeen, gaur egun ezagutzen dugun San Martin eliza horren itxura XVI. mendean eginiko eraberritze baten ondorioa da; geroztik, hala ere, handitze eta berritzeak ere izan ziren eta horietako azpimagarrienak hauetxek izan dira: XVII. mendeko erretaula nagusia, XVIII. mendeko sakristia eta, azkenik, XIX. mendearen hasierakoa den dorrea (Pedro Manuel de Ugartemendia arkitektuak hartu zuen parte dorrearen eraikuntzan). Badakigu, jakin, Fancisco de Ibero eta Martin de Carrera arkitektuek presbiterio eta sakristiaren eraikuntzarekin zerikusia izan zutela.
SUBENTZIONATUTAKO OBRAK
Arkupeko estaldurak duen zurezko egitura berezi-berezia zaharberritzea eta Sakristiaren gangan eta goiko oinaren egituraren konpontzea eta sendotzea eta estalkiak birgaitzea, erretaula nagusia eta albokoak zaharberritzea, eta erretaulak eta beste hainbat elementu higigarri xilofagoen aurka tratatzea.
SUBENTZIOAREN ZENBATEKOA
1990eko Plana: 14.000.000 pta.
2001eko Plana: 11.000.000 pta.
2002ko Plana: 61.300 €
2003ko Plana: 57.800€
