gipuzkoakultura.net

Logo de la Diputación Foral de Gipuzkoa
Logotipo gipuzkoakultura
2018ko ekainak 21, osteguna

 

select * from iglesias where id = '337'

BOLIBARKO SAN MIGEL

Irudia

Nabe bakarra eta abside lauangeluarra dituen eliza, zurezko gurutzadura ganga batez estaliak. Dobelarriz eginiko erdi-puntuko arkuko ate batetik sartzen da barrura; hormigoizko egitura duen arkupe batek babesten du ate hori.
Aztarna erromaniko eta gotikoak, kanpoaldeko hormen harrizko fabrikan tartekaturik.
Dokumentu idatzirik ez izanagatik, egungo elizak oraindik gordetzen dituen aztarnak direla eta (alboetan kolomatxoak dituen lehio sinplea eta hormetan xartaturiko zenbait harri landuak) aintzina Bolibar-Unzuagako elizatean ermita erromanikoa izan zela baiezta dezakegu.
Parroki Liburuek ematen dizkiguten berriek beste ezerk ez du hausten mende batzutako ixiltasuna. Liburu horiei eskerrak badakigu Kalahorrako Apezpikutegiko ikuskatzaileak klaustro edo arkupe bat eraiki zezatela agindu zuela 1634ean, eguraldi txarrean babesa izateko.
Joseph de Echaniz Eskoriatzako harginari 55 erreal t’erdi ordaindu zizkioten 1750ean, ur bedeinkatu pontea egiteagatik.
Apaiz etxea berreraikitzeko lanetan ere hartu zuen parte hargin horrek, 1754. urtean.
Kalahorra eta La Calzadako apezpikua Andres de Porras jaunak “alaka eta erretaula nagusia” eraikitzeko baimena eman zuen 1762. urtean egindako Bisitaldian eta, ordaindu, 1765ean ordaindu zioten ehun erreal Francisco de Echanobe obra maisuari, “alaka eta sakristia egiteko sinatu zituen traza eta baldintzen truke.”
Kontu liburuan 161 erreal eta 17 marabediko gastuaren oharra dago 1767-1768 biurtekoan, “aipatutako ganga igeltsu eta morteroz gaineztatu eta zarpeatzeagatik eta zaharra sendotzeagatik”.
Horren arabera badirudi garai hartan zurezko ganga berria egin zutela presbiterioraen gainean, eta nabearen gainontzekoan lehendik zeudenak sendotu zituztela. Antonio de Landa harginak eta Juan de Zubia zurgin maisuak esku hartu zuten lan horietan, Elgetatik ekarritako haritz-zura, Saiturri harrobiko harria eta Oñatiko iltzeteria erabili zituztela.

SUBENTZIONATUTAKO OBRAK
Estaldura osoa desmuntatu da azkenik eta hormaburuak hormigoiz sendotu ondoren berregin egin da, eskailera berria ere egin da eta kanpoko eta barruko paramentuak atondu eta pintatu.

SUBENTZIOAREN ZENBATEKOA
1989ko Plana: 13.600.000 pta.

ESKORIATZA

Situación del pueblo. Pulse para ver el plano b5m
B5m planoa

    IRUDIAK

  • irudia
  • irudia
  • irudia
  • irudia
  • irudia
  • irudia
Licencia Creative Commons. Pulse aquí para leerla
2009 Kultura, Gazteria eta Kirol Departamentua - Gipuzkoako Foru Aldundia
Logotipo Gipuzkoa.net. Pulsar para ir a la página de Gipuzkoa.net