Nabe bakarreko areto-oinplanoa eta abside zuzena ditu. Nabea estaltzen, gurutze ganga soilak ditu. Hormak harrizkoak dira, ertzetan harlanduak dituztela. Dorreak lau angeluko oinplanoa du. Lau arku errebajatuk osatutako arkupe bat dauka atarian eta handik elizara sartzeko bi portada, puntu erdiko arkudunak, igaro behar dira. Badu puntu erdiko beste arku bat ere, gaur egun frontoiak itxita daukana.
Eraikin hau kultur ondasun kalifikatu izendatuta dago, Eusko Jaurlaritzaren 2000ko urtarrilaren 25eko 14/2000 Dekretuaren bidez.
SUBENTZIONATUTAKO OBRAK
Estalkia birgaitzea eta nabearen zolata saneatzea eta isolatzea.
SUBENTZIOAREN ZENBATEKOA
2001eko Plana: 21.000.000 pta.
2003ko Plana: 22.000 €