Herriko parroki eliza da. Hiru zatiko nabe bakarra du, gurutze gangez estalia, abside oktogonala eta aldamenetan kapera txikiak. Hormak harlanduzkoak dira. Sarreran arku zorrotzeko eta hiru arkiboltako portada gotikoa dauka. Eraikinaren elementu zaharrena den hori "L" formako eliz atariaren barnean dago. Dorrea elizaren oinetan dago eta kupulaz itxia da. XVI. mendearen azken eta XVII.aren hasiera aldean antzinako eraikinean aldakuntza handiak egin ziren, hura suak hondatu zuelako. Geroago beste sute bat ere izan zen eta haren ondoren hartu zuen elizak oraingo itxura, dorreak izan ezik, dorrea 1903an egin baitzuten Igeldoko hareharriz. Erretaula nagusia 1886koa da, Mujika donostiar tailugileak egina.
Eraikin hau kultur ondasun kalifikatu izendatuta dago, Eusko Jaurlaritzaren 2000ko urtarrilaren 25eko 14/2000 Dekretuaren bidez.
SUBENTZIONATUTAKO OBRAK
Elizako gangak eta koruaren solairua sendotzea, organoa zaharberritzea eta nabearen solairua saneatzea.
SUBENTZIOAREN ZENBATEKOA
2002ko Plana: 78.000 €
2003ko Plana: 47.380 €