Muñiz markesaren jauregi zaharreko lorategietako alderdirik garaienean, 1913. urtearen inguruan, Vista Alegreko dorrea, errotonda edo begiratokia izenez ezagutzen den pabiloi edo tenplete bat eraiki zen.
Gaur parke publiko bihurturik, jauregi inguruko lursail pribatu hartatik gorde diren eraikuntza hondar gutxitako bat da.
Zirkuluerdi formako pabiloi ireki bat da, zirkuluerdia zutabe klasiko lirainen ilara batek mugatua dagoena. Atzeko horma zuzenak, berriz, lurraren desnibela dela eta, euskarri lana egiten du. Espazio nagusi hau hareharrizko zokalo edo basamentu batean oinarritzen da, eta zabaltza edo estalki lau batean bukatzen da, bertara, atzeko hormari atxikitako harmailadi baten bidez iristen delarik.
Tenplete honek duen interesa, alde batetik, aparteko eraikuntza izatetik datorkio, eta, besteteik, materiala eta diseinuaren arteko kontrastetik, hormigoi armatua bezalako material berri bat erabili baitzen, lengoaia klasikotik ateratako formak zituen edifizio bat eraikitzeko.
Tenpletearen eraikutnza ezaugarriek, aire zabalean, eta zabaltza eta eustorman inolako iragazkaiztasunik gabe, azken urteotako mantenimendurik ezarekin batera, egoera larrira eramana zuten.
SUBENTZIONATUTAKO OBRAK
Zimentazioa altzairatzea, euskarriak jartzea eta saneamendua egitea, zutabe, habeeta eta airean zeuden armadurak babestea.
SUBENTZIOAREN ZENBATEKOA
1995eko Plana: 2.000.000 pta.