Jauregi antzeko hiri-etxea da. Herrigune zaharraren harresitik kanpo egina da eta oraindik baditu XVI. mendeko jatorrizko elementu batzuk, esate baterako, dobelarriz egindako portada bikaina, puntu erdiko arkua egiten duena, leiho konopial txikiak eta leihoetako erlaizak.
Eraikin erektangularra da, lau fatxadak libre ditu, hiru oinekoa da eta teilatua lau isurkikoa dauka. Hormak harlangaitzezkoak dira eta entokatuta daude. Horrelakoetan izan ohi denez, ertzak eta leiho inguruak harlanduzkoak dira. Fatxada nagusiaren konposizioak erakusten du joera errenazentistari begira eraikia dela, baina tamalez estiloa desitxuratzen duten baogune batzuk ditu irekita eta sarrera nagusiaren gainean zuen armarria pikatu egin zuten.
SUBENTZIONATUTAKO OBRAK
Teilatua berritzea eta kanpoko hormak sendotzea eta zartadurak zuzentzea.
SUBENTZIOAREN ZENBATEKOA
1992ko Plana: 1.400.000 pta.
1997ko Plana: 500.000 pta.