gipuzkoakultura.net
SAN MIGEL
Saloi oinplanoko tenplua, nabe bakarra eta abside angeluzuzena duena. Harri-hormak ditu, eta sabaiko egitura, berriz, bistako zurez egina. Bertan nabarmentzen dena, ordea, traza desberdineko lau figura geometrikoz osatutako zoru artistikoa da (figura horietako bat duela gutxikoa da); adreiluz eta uharriz eginda daude, mosaiko baten antzera. Aldarea estilo churriguereskokoa da. Sarrera albo batean dago, erdi-puntuko arku batez eginda. Kanpoaldean oinplano angeluzuzena eta lau isurialdeko teilatua ditu; honen erremate gisa, harlanduz eraikitako kanpandorrea du.
DIRUZ LAGUNDUTAKO OBRAK
Estalkia zaharberritzea, xilofagoen aurkako tratamendua eta erretaula eta zurezko hainbat taila zaharberritzea.
DIRULAGUNTZAREN ZENBATEKOA
2006ko plana: 45.000 €
2009 Kultura, Gazteria eta Kirol Departamentua - Gipuzkoako Foru Aldundia
